********************

ملعون ابو الحريـــة ...

لو حولتنا لبلد فوضوية ..

مش القيود كانت ...

صاينـــة الارواااح ,,

والعقول مكتومة وملهية ..

النفوس فاضت منك ..

ياولد انت وهـــي ...

والارواح سداح مداح ..

والخطاوي رايحه ما جاية ..

وجوه مطموســـه ,,,

وملامح مخفيـــه ...

وضماير ملهية ومهلبية ..

القضية اتشقلبت ,,,

وماشية عكسية ...

وال امبارح باعوها ...

وخلفوها نزيف واوجاع ..

النهاردة خطفوها خداع ,,,

وشايلين شعلتها مطفية ..

ثورتـــنا الحقيـــقية ...

اطلقـــها شهيـــد ,,,

اشتري بدمة ما بـــاع ..

ووجوه صافــيه وفيـــه ...

صنعت خطاوي للعدل والحرية ..

اليوم ملفوفة بكفن وجراح ..

متوجه لــ دهرها البندقية ..

علي ايد شوية مهلباتية ...

جـــروها وجرجروهـــا ...

لسكه ســودة محنـــية ..

بعد ما كانت عروسه ...

طـــاهــرة نقيــــة ..

ملوها دم وفضـــوا ...

منها البراءة والعذرية ..

قضـــيتنا كانت بدايتـــها ..

شرارة في وش ولاد الحرامية ..

اتعكست في اتجـــاه ...

المطبلاتية والمهراجتية ..

نزعوا منها البياض والشرعية ..

ليــــه يابـــلــد .......!؟

تتقلبـــي وتميـــلي ...

علي شوية بهلوانـــية ,,

واخدين الميدان والشوارع ..

رقص وتحرش وهمجية ...

اتلم ياولد انت والبنت ديا ..

دول شلــة سفــاح ...

وجماعة ملهاش تمن ولا دية..

سيبوا البلد ترتـــاح ,,,

وتسير مراكبها العفـــية ...

لبـــر الســـلامـــة ,,,

ومينا ومرسي الوطنــية ...!!!

ــــــــــــــــــــــــــــــــــــــــــــ

حمدى الشريف ــــ شاعر بلا حدود @