سِتْ اِلحَبَايٍبْ ،، مِسْعِدَه !!

ـــــــــــــــــــــــــــــــ
قولي يا أمي واشرحي

وحياة عيونك وضحي

شايفه يا أمي حاجات كتير

خجلانة منها وباستحي

أنا بنت مين ؟

أنا أسمي إيه ؟ ،،،،،

أنا عارفة إني سيدة

وعارفة إنك مسعدة ،

وعارفة انك من زمان متسيدة

وعارفة ابويا الشيخ علي

سيد وأمه سيدة !

إوعي تقوليلي سألت ليه ،

أصل الحكاية مش كده ،،

أنا بس كل امّا آجي افكر ،

ألقى الأمور متعقدة !!

عارفة يا أمي أنا قصدي إيه ؟

نفسي أشوف اللي احنا فيه

أسبابه إيه ؟

وليه مقامك الكبير

أخواتي ما حافظوا عليه ؟

كل اما باسأل حد عنك ،

يحكيلي وتدمّع عينيه

والقاه يتهته في الكلام

ماعرفش ليه ،،

واما سألت عن كده

عرفت قيمة مسعده !!،،،،،،،،

بيقولوا مكتوب في الكتاب

إن انتي يوم طولتي السحاب

ده صحيح يا أمي ،، مش كده ؟؟

أمال يا أمي إيه جرى ؟

والحاله ليه متدهوره ؟

إيه اللي وصّلنا لكده ؟

مالك يا أمي سرحتي ليه ؟

متفكريش ،،

أصل اللي ذكرك في كتابه

ماينساكيش ،،،

أرجوكي يامّه متحزنيش

إبكي يا أمي دمعتين ومتكتميش

حاسه الدموع متحجرة

آسفه يا أمي أنا السبب

ياريتني ما قولت اشرحي أو وضحي

مانا عارفه إني سيدة

وعارفة إنك مسعده .

وهاتقضلي مهما حصل.

إنتي العزيزة السيدة .....

ــــــــــــــــ

ياحبيبتي يا أم الدنيا / عَلِي فَرَجْ