بيكبِّلوك



ويكمِّموك



ويدغدغوا عضمك عشان ..



يقسى وينساك الزمان !



وانتَ الكبير



طول الزمان ..



بتراعي طير / أبيض جميل



فارد جناحُه سُنبله



وولاد حرام ..



بيبدلوها بقنبله ..



متوجهه لطير السما !



وبيعصروا ضلوعك ..



يحاولوا يصفُّوا منها ..



أي نقطه من الدما ..



مبيقدروش



وعيون زمانك غرقانين ..



جوَّا العَمَى



وان فتَّحت ..



بتشوف هموش !



آهين ياشلة مَكلًمَه



بتقول تقول ..



لمَّا الكلام الحُرِّ يكره كدبهم



لمَّا الطيور ..



بتطير تغور عن وشهم



الغرقانين ..



في ذلهم



شايفين أبوهم في النَفَق / ماتحركوا !



وكأن نبض الكل عاهد واتفق / ح يشرَّكُه ..



والقرد ح يقيم هيكله !

ياعقول بتفرح بالـ (مَسَد )



لمَّا بيربط (رسغها)



خايف عليها من الحَسَد ..



إزاي بتنسج ذلها ..



والفجر خاف ؟!



مين اللي شاف؟



بيحاولوا تاني يقلعوه ..



توب العفاف



وإديهم العاشقه الجفاف ..



تنسج في توب المسكنه



ومَّا بتتمكن بتفجُر تبتدي ...



جزِّ الشجر وقت الربيع



وتنادي يامين راح يبيع ..



أو ينتحر في المحرقه ؟



واوعاك تخاف



ح نلبسك توب الزفاف



الموكب الحلو المهيب / جاهز ..



فعدِّي



أنا مش عدُو



والودِّ ودِّي نعيش / حبايب مرتاحين



أنا فوووق قوي ...



وانتَ حلال ليك التراب



وتغور وتنساك السنين !



***



ياألف آه ياسيِّدي



عُذراً ياأولى القبلتين
عادل عثمان الحجار